Láta hendur standa fram úr ermum í Karphúsinu
Setja bókamerki
Fulltrúar Landssambands íslenskra verzlunarmanna (LÍV), Starfsgreinasambandsins (SGS), VR og Samtaka atvinnulífsins (SA) mættu til fundar hjá ríkissáttasemjara kl. 10 í dag. Þar verður farið yfir stöðuna í kjaraviðræðunum, en fundur er skráður til kl. 18 í dag.
VR sleit viðræðum við SA í liðinni viku en ríkissáttasemjari boðaði alla deiluaðila aftur á sinn fund í dag.
Aðalsteinn Leifsson ríkissáttasemjari sagði í samtali við Morgunblaðið í síðustu viku að ákaflega krefjandi og viðkvæmar kjaraviðræður biðu fram undan. Ásetningur allra sem kæmu að borðinu væri þó að ná samningum og var hann vongóður um að gott samtal taki við í þessari viku.
Þrátt fyrir að hafa slitið viðræðum á fimmtudag, þá sagði Ragnar Þór Ingólfsson, formaður VR, í samtali við mbl.is fyrir helgi að hann yrði með á fundinum í dag.
„Ég var boðaður á fundinn á morgun og ætla að mæta. Ríkissáttasemjari vildi boða okkur á fundinn og ég verð að sjálfsögðu við því,“ sagði Ragnar þegar mbl.is ræddi við hann á föstudag.
„Efnislega hefur ekkert breyst. Þótt viðræður fari í þennan farveg þá höldum við áfram að reyna. Við erum áfram boðuð á fundi og verkefnið fer ekki frá okkur. Við ætlum að mæta á fundinn á morgun og tökum stöðuna eftir þann fund. Við erum á fullu að vinna okkar vinnu,“ sagði hann enn fremur fyrir helgi.
Mun fara sparlega með málskotsréttinn
Almannavarnir auka viðbúnað
Unnu að fullum heillindum að kaupum á TM
Nauðgaði kærustu sinni og tók það upp
Spursmál: Fyrsta stóra viðtal Katrínar
Hæstiréttur staðfestir vanhæfi alls Landsréttar
Hafa „ágætis tíma“ til úrbóta
Gerir ráð fyrir 150 samningum í næstu viku