Greina ekki hreyfingu í fjallinu

Ekki hefur orðið vart við hreyfingar í fjallinu þar sem aurskriða féll, nærri Grenivík fyrir tveimur vikum. 

Frétt af mbl.is

Bíll varð fyrir aurskriðu nærri Grenivík

Á síðu Lögreglunnar á Norðurlandi eystra segir að frá því að vegurinn var opnaður aftur fyrir umferð, skömmu eftir að aurskriðan féll, hafi hámarkshraði verið lækkaður á svæðinu og starfsmenn Veðurstofunnar fylgst grannt með. 

Frétt af mbl.is

Aurskriðan um 200 metrar að breidd

„Ekki hefur orðið vart við neinar frekari hreyfingar í fjallinu og er það mat starfsmanna Veðurstofunnar að ekki sé sérstök hætta á skriðuföllum á þessum stað lengur og engar fregnir borist af hreyfingum á svæðinu síðan daginn eftir að skriðan féll.“

Því hefur hámarkshraði verið færður upp í 90 kílómetra á klukkustund og frekari viðvörunarskilti fjarlægð.

• Blogga um frétt