Tryggvi Þór Herbertsson, stjórnarformaður Qair Iceland, segir að ef allt gangi að óskum muni fyrirtækið hefja uppbyggingu vindorkuvers á Sólheimum á Laxárdalsheiði árið 2026. Virkjunin verði um 200 MW og kostnaðurinn um 15 milljarðar.
Tryggvi Þór segir fyrirtækið bíða nýrrar lagasetningar um vindorku á Íslandi. Með vorinu verði væntanlega lagt fram lagafrumvarp sem skýri lagaumgjörðina um vindorku. Tafir á því geti tafið uppbyggingu.
Fjallað er um áform Qair í ViðskiptaMogganum í dag en áformað er að reisa vindmyllugarða fyrir hundruð milljarða um land allt.