Björgunarsveitir höfðu í nógu að snúast á Suðurlandi í gær og í morgun, þar sem að fannfergi er mikið og akstursskilyrði erfið. Eins og mbl.is greindi frá í dag þurftu félagar í Víkverja að sinna um 50 útköllum vegna bíla sem voru fastir beggja vegna Vík í Mýrdal í gærkvöldi og héldu útköllin áfram í nótt. 

Jón Þór Víglundsson, upplýsingafulltrúi Landsbjargar, fór yfir verkefni björgunarsveita í dag í samtali við mbl.is.

Frétt af mbl.is

Alltaf einhverjir til í að hlaupa frá steikinni

Rétt fyrir klukkan sex í morgun barst útkall frá Þingvallavatni þar sem að erlendir ferðamenn höfðu fest bíl sinn á leið á ION hótelið. Ferðamennirnir höfðu verið í bílnum í nokkrar klukkustundir áður en að kallað var eftir aðstoð.

Frétt af mbl.is

Þrír bílar lentu undir snjóflóði í Reynisfjalli

Tveir björgunarsveitarbílar voru sendir frá höfuðborgarsvæðinu og var ferðamönnunum fylgt að hótelinu eftir að búið var að losa bílinn þeirra. 

Þegar á hótelið var komið frétti björgunarsveitarfólkið að starfsmaður hótelsins hefði fest bíl sinn við Úlfljótsvatn á leiðinni heim af vaktinni. Var förinni því heitið þangað þar sem bíllinn var losaður og fékk starfsmaðurinn fylgd að hringtorginu við Selfoss.

Þá hafa björgunarsveitin Dagrenning á Hvolsvelli og Björgunarfélag Vestmannaeyja aðstoðað við sjúkraflutninga í dag.

Frétt af mbl.is

Aðstoðuðu á annað hundrað manns í gær

Tengdar fréttir

Frost á Fróni

Kaldasti vetur aldarinnar

• Viðvaranir gætu verið í gildi fram á miðvikudag
• Snjólögin veik um þessar mundir
• Snjóflóð fallið og varað við frekari hættu
• Óvenju löng kuldatíð í Skagafirði

» Fleiri tengdar fréttir

• Blogga um frétt