Kostnaður við snjómokstur í Kópavogi langt yfir áætlun
Setja bókamerki
Kostnaður við snjómokstur hjá sveitarfélögunum í kringum Reykjavík fór á síðasta ári langt fram úr því sem gert var ráð fyrir í fjárhagsáætlunum þeirra. Þannig var kostnaður Kópavogsbæjar um 350-370 milljónir króna, 200-220 milljónum umfram það sem áætlað var.
Vegna mikilla snjóa nú í desember og raunar einnig síðasta vetur hafa sveitarfélögin á Suður- og Suðvesturlandi þurft að leggja í mikinn kostnað við snjómokstur og aðra vetrarþjónustu gatna sinna. Fram hefur komið í blaðinu að kostnaður Vegagerðarinnar fór yfir fimm milljarða, sem er nokkuð á annan milljarð yfir kostnaðaráætlun, og kostnaður Reykjavíkurborgar var kominn vel yfir milljarðinn sem er tvöfalt meiri kostnaður en gert var ráð fyrir í fjárhagsáætlun.
Sömu sögu má segja af öðrum sveitarfélögum á höfuðborgarsvæðinu. Kópavogsbær gerði ráð fyrir 150 milljóna króna kostnaði en hann varð meira en tvöfalt hærri, eða 350-370 milljónir.
Nánari umfjöllun er að finna í Morgunblaðinu sem kom út 14. janúar.
„Okkur miðar í rétta átt“
Tóku upp hanskann fyrir leikskólabörn
„Það þarf að vinna mikinn fjölda upp“
Skiptir miklu meira máli en fólk grunar
Árshátíð ríkislögreglustjóra haldin í Tékklandi
Veiting hvalveiðileyfis ekki brot á EES-samningi
Skar höfuðleðrið af íslenskri konu