Tveir voru fluttir til skoðunar á Landspítalann eftir að tvær bifreiðar skullu saman á Reykjavíkurvegi í Hafnarfirði í dag.
Varðstjóri hjá slökkviliðinu á höfuðborgarsvæðinu segir að um minniháttar slys hafi verið að ræða en að dælubíll hafi verið sendur á vettvang til þess að hreinsa brak.
Tilkynning um slysið barst fyrir rúmum klukkutíma en ekki var hægt að fá upplýsingar um hvernig það atvikaðist.