Björgvin ráðinn verkefnisstjóri Sundabrautar

Björgvin Þorsteinsson hefur verið ráðinn verkefnisstjóri Sundabrautar. Hann mun vinna fyrir verkefnisstjórn um undirbúning Sundabrautar sem skipuð var á síðasta ári.  

Frétt af mbl.is

Hefja undirbúning að Sundabraut

Þetta kemur fram á vef Vegagerðarinnar og segir þar að næstu skref undirbúnings Sundabrautar eru vinna við mat á umhverfisáhrifum, frekari útfærsla valkosta, samráð við hagsmunaaðila og undirbúningur nauðsynlegra breytinga á  skipulagsáætlunum með það að markmiði að hægt sé að hefja framkvæmdir við Sundabraut eigi síðar en árið 2026 og að þeim verði lokið árið 2031.

Frétt af mbl.is

Ekki raunhæft að flýta Sundabraut

Þá segir að gert sé ráð fyrir að Sundabraut verði fjármögnuð með gjaldtöku af umferð í samræmi við lög sem samþykkt voru á Alþingi árið 2020.

„Verkefnisstjóri mun vinna að undirbúningi Sundabrautar undir stjórn verkefnisstjórnar um undirbúning Sundabrautar sem skipuð var af innviðaráðherra á síðasta ári,“ segir í tilkynningunni. 

Björgvin er verkfræðingur að mennt og hefur starfað við verkefnastjórn undanfarin 25 ár í Noregi, Ástralíu og á Íslandi. Hann hefur störf hjá Vegagerðinni í febrúar.

Áætluð leið Sundabrautar. Ljósmynd/Vegagerðin

• Blogga um frétt