Efling hefur ekki skilað inn félagaskrá til ríkissáttasemjara, eins og félaginu bar að gera fyrir klukkan átta í kvöld, vegna miðlunartillögu sem ríkissáttasemjari lagði fram í kjaradeilu Eflingar og Samtaka atvinnulífsins í dag.

Tæplega 21 þúsund manns eru á félagsskrá Eflingar og munu geta greitt atkvæði um tillöguna. Efling fékk frest til klukkan 16 í dag til að afhenda skrána. Þegar hún barst ekki á tilskildum tíma fékk félagið ítrekun og frest til klukkan átta í kvöld.

Frétt af mbl.is

Efling lýsir yfir vantrausti á ríkissáttasemjara

Heimild til að senda aðra ítrekun

Elísabet S. Ólafsdóttir, skrifstofustjóri ríkissáttasemjara, staðfestir í samtali við mbl.is að félagaskráin hafði ekki borist fyrir klukkan 22.30 í kvöld.

Ríkissáttasemjari hefur heimild til þess að senda aðra ítrekun og í framhaldinu verður staðan metin.

Atkvæðagreiðsla um tillöguna hefst klukkan 12 á hádegi á laugardag og stendur fram til klukkan 17 á þriðjudag.

Frétt af mbl.is

Fellt með helmingi greiddra atkvæða og 5.153

Tengdar fréttir

Kjaraviðræður

Eins og ef „Krambúðin á Blönduósi færi í verkfall“

• „Við munum ekki hvílast fyrr en þetta klárast“
• „Við erum ennþá í fullum gangi“
• „Verulegur framgangur“ og fjölmiðlabann í deilunni
• KÍ: „Rannsóknarefni“ hvernig Inga tjáir sig

» Fleiri tengdar fréttir

• Blogga um frétt