„Nú er enn ein lægðin að ausa úrkomu úr sér um landið sunnan- og vestanvert, en úrkomulítið fyrir norðan og austan. Í staðinn verður mun hvassara norðan til í sunnanáttinni,“ segir í hugleiðingum veðurfræðings hjá Veðurstofu Íslands í morgun.
Þar segir að seinnipartinn verður vindur suðvestlægari og úrkoman skúrakenndari og eins má búast við að hitinn sé þá víða 5 til 10 stig á landinu. „Í kvöld fer svo kólnandi og færast þá skúrinar yfir í slydduél eða él.
Á morgun er útlit fyrir hvassa suðvestan- og vestanátt með éljum og er ansi líklegt að það slái í storm nokkuð víða. Yfirleitt verður vindur hægari og líklega alveg þurrt um landið austanvert. Víða vægt frost in til landsins en yfirleitt frostlaust við ströndina.“