Ice Fish Farm seldi allt viðbótarhlutafé á einum degi
Setja bókamerki
Hlutafjáraukning Ice Fish Farm upp á 44 milljónir evra sem svarar til 6,5 milljarða íslenskra króna gekk út á einum degi. Núverandi hluthafar skrifuðu sig fyrir megninu af útboðinni fjárhæð en einnig bættust nýir hluthafar í hópinn.
Hluti af endurfjármögnun Ice Fish Farm upp á fjárhæð sem svarar til nærri 35 milljarða íslenskra króna og samið var um við fjóra banka fyrir skömmu var aukning eigin fjár með útgáfu nýs hlutafjár upp á 44 milljónir evra sem svarar til 6,5 milljarða íslenskra króna.
Óskað var eftir áskriftum að morgni fimmtudags. Átti útboðið að standa í tvo daga en lokað var fyrir skráningar á fimmtudagskvöld þegar fjárfestar höfðu skrifað sig fyrir allri fjárhæðinni.
Stærstu hluthafar félagsins tóku þátt og var Austur Holding stærst í sniðum með 18,1 milljón evra. Eignarhaldsfélagið á meirihluta hlutafjár og er í eigu norska eignarhaldsfélagsins Måsøval Eiendom og Ísfélags Vestmannaeyja.
Nánar má lesa um málið í laugardagsblaði Morgunblaðsins.
Eyjafjarðarbraut lokað vegna alvarlegs umferðarslyss
Tveir í bílnum sem lenti utan vegar
Veiting hvalveiðileyfis ekki brot á EES-samningi
Hernaðaraðstoð samþykkt – Vopnasendingar í vikunni
Handteknir eftir myndatöku í Vesturbæjarlaug
„Skýr skilaboð til Seðlabankans“
Æskuvinur Íslendings myrtur í Noregi