Grasblettir verði náttúruleg svæði

Árið 2016 var kynnt tillaga í umhverfis- og skipulagsráði um svæði sem taka mætti úr slætti, alls um 31 hektari, sem breyta mætti í náttúrileg svæði. Í kjölfarið var hætt að slá um 14 hektara svæði víða um borgina. Væntanlega hefur fylgt þessu umtalsverður sparnaður fyrir borgina.

Grasblettirnir við Sæbraut eins og þeir eru nú. Ljósmynd/Reykjavíkurborg

Tillögurnar um árið voru reistar á grunni umhverfis- og auðlindastefnu, stefnu um líffræðilega fjölbreytni og trjáræktarstefnu borgarinnar.

Fordæmi eru fyrir svipaðri stefnumótun erlendis var haft eftir Þórólfi Jónssyni deildarstjóra náttúru og garða í Reykjavíkurborg í frétt í Morgunblaðinu í janúar 2016.

„Annars staðar á Norðurlöndum voru menn að ræða þetta fyrir um tuttugu árum – menn vilja draga náttúruna inn í borgirnar aftur,“ sagði Þórólfur. 

Nú eru áform um að halda áfram á sömu braut.

Nán­ari um­fjöll­un er að finna í Morg­un­blaðinu í dag.