Fyrir fundi borgarstjórnar Reykjavíkur sem haldinn verður í dag 6. júní liggur tillaga frá borgarfulltrúum Sjálfstæðisflokksins um að óskað verði eftir því við Skipulagsstofnun að hún láti gera umhverfismat vegna mengaðs jarðvegs á því landsvæði þar sem uppbygging nýrrar byggðar í Skerjafirði er fyrirhuguð.
Fyrirhuguð framkvæmd hefur verið mjög umdeild, bæði vegna mengaðs jarðvegs á byggingarsvæðinu, stóraukinnar umferðar vegna þungaflutninga á framkvæmdatíma og einnig vegna mikillar fjölgunar íbúa á svæðinu sem framkvæmdirnar munu leiða af sér.
Einnig hefur framkvæmdin verið gagnrýnd vegna ýmissa sjónarmiða í umhverfismálum, þ.m.t. vegna áðurnefndrar mengunar sem og vegna þess að fjaran í Skerjafirði er fjölsótt útivistarsvæði og fuglalíf þar fjölbreytt.
Lesa má meira um málið í Morgunblaðinu í dag.