Mikið fjör var í Laugardalnum í morgun þar sem litahlaupið The Color run fór fram.
Litahlaupið er fimm kílómetra löng fjölskylduskemmtun þar sem þátttakendur eru litaðir með litapúðri eftir hvern kílómetra.
Söngkonan Diljá steig á svið áður en hlaupið hófst. Eliza Reid forsetafrú ræsti svo hlaupið klukkan ellefu. Gert var ráð fyrir rúmlega fimm þúsund þátttakendum.
Kynnar voru þau Eva Ruza og Gústi B. Emmsjé Gauti skemmti svo þátttakendum að hlaupi loknu.
The Color Run snýst ekki um að koma í mark á sem skemmstum tíma heldur að njóta upplifunar litahlaupsins.