13 félagssamtök og stofnanir gagnrýna harðlega það aðgerðarleysi sem ríkir af hálfu heilbrigðisráðuneytis gagnvart Heyrnar- og talmeinastöð Íslands fær til þess að sinna þeim lögbundnu skyldum og verkefnum sem tengjast þjónustu stofnunarinnar.
Í sameiginlegri tilkynningu frá félögum og stofnunum kemur fram að stofnunin sé sú eina sem starfar samkvæmt lögum um þjónustu við heyrnarskerta og beri meðal annars að sinna heyrnarmælingum, greiningum, meðferð á heyrnar og talmeinum. HTÍ sinnir einnig meðferð og íhlutun til barna sem fæðast með skarð í góm og/eða vör.
„Síðastliðin ár hefur HTÍ reynt að standast þær kröfur sem gerðar eru til stofnunarinnar samkvæmt lögum en komið er að þolmörkum. Miðað við núverandi fjárlög, húsakost, skort á faglærðum heyrnarfræðingum og talmeinafræðingum, aðstæðum til rannsókna og framþróunar er ljóst að brotið er á réttindum skjólstæðinga undirritaðra hagsmunaaðila til þess að sækja sér viðeigandi heilbrigðisþjónustu.“
Krefjast neðangreind félög og stofnanir þess að ákalli stofnunarinnar verði svarað og aukið fé lagt í starfsemina.
Heyrnarhjálp
ÖBÍ réttindasamtök
Félag Heyrnalausra
Breið bros
Foreldra- og styrktarfélag heyrnadaufra
Málefli
Landsamband eldri borgara
Hlíðaskóli
Sólborg
Félag íslenskra háls-, nef-, og eyrnalækna
Félag heyrnafræðinga
Félag talmeinafræðinga á Íslandi
Umhyggja