Ómar Friðriksson
Útgjöld ríkissjóðs aukast um tæpa 7,3 milljarða króna í fjáraukalagafrumvarpi fyrir yfirstandandi ár umfram það sem gert var ráð fyrir þegar frumvarpið var lagt fram. Vegur þyngst rúmlega fimm milljarða króna útgjöld sem falla til á þessu ári í stuðningsaðgerðir vegna jarðhræringanna á Reykjanesskaga og rýmingar Grindavíkur.
Nú er útlit fyrir að afkoma ríkissjóðs verði um níu milljörðum króna lakari en áður var áætlað og hallinn á árinu verði 54 milljarðar króna en ekki 45 milljarðar eins og gert var ráð fyrir við endurmat á afkomu ársins þegar frumvarpið var lagt fram fyrr í vetur.
Þessar upplýsingar koma fram í bréfi fjármála- og efnahagsráðuneytisins til fjárlaganefndar um breytingar á fjáraukalagafrumvarpi vegna yfirstandandi árs.
Lesa má meira um málið í Morgunblaðinu í dag.