Heitavatnsleysið hafi lítil áhrif á farþega
Setja bókamerki
Upplýsingafulltrúi Isavia segir að farþegar Keflavíkurflugvallar finni lítið fyrir áhrifum heitavatnsleysisins sem hrjáir Suðurnes að nýju eftir að hjáveitulögn meðfram Njarðvíkuræðinni fór í sundur.
Njarðvíkuræð, sem sér Suðurnesjum fyrir heitu vatni, laskaðist þegar hraun úr eldgosinu milli Sundhnúks og Stóra-Skógsfells skreið yfir hana. Hjáveitulögn meðfram Njarðvíkuræð fór svo í sundur í nótt.
„Við höldum áfram þeim aðgerðum sem voru í gangi áður en hleypt var á heitavatnið í gærkvöldi,“ segir Guðjón Helgason, upplýsingafulltrúi Isavia, í samtali við mbl.is. Hann vill meina að vel hafi gengið að tryggja það að farþegar finni sem minnst fyrir heitavatnsleysinu.
Hafi líklega ekki áhrif á flug
„Við erum með hitablásara. Við höfum slökkt á loftræstikerfi og það er ýmislegt annað sem við höfum gert,“ bætir Guðjón við.
Aðspurður segir hann það ekki fyrirsjáanlegt að skemmdirnar á lögninni hafi einhver áhrif á flug til eða frá Keflavík.
Þá þurfi heldur ekki að hafa áhyggjur af því ef rafmangið slær út, þar sem varaaflstöðvar eru á flugvellinum.
Segir lögreglu sá efasemdum um heilindi
„Má segja að nýr armur sé að myndast í flokknum“
Hefja formlegt söluferli á Olíudreifingu
„Síðasta orðið hefur ekki verið sagt“
Sanna borgarfulltrúi vill á þing
Tókst ekki að sanna orsakasambandið
Ekkert bendir til þess að atburðarásinni sé lokið