Snjóflóð varð á fjórða tímanum í Fnjóskadal í Suður-Þingeyjarsýslu. Nokkrir einstaklingar lentu í snjóflóðinu, þó enginn sé grafinn undir því svo vitað sé. Að minnsta kosti einn er slasaður.
Þetta segir Jón Þór Víglundsson, upplýsingafulltrúi Landsbjargar, í samtali við mbl.is.
Hann segir að björgunarsveitir á Grenivík, Akureyri og aðrar sveitir á svæðinu hafi verið kallaðar út.
Þyrla Landhelgisgæslunnar hefur verið kölluð út vegna snjóflóðsins. Þetta staðfestir Ásgeir Erlendsson, upplýsingafulltrúi Landhelgisgæslunnar, í samtali við mbl.is.
Aðgerðir eru yfirstandandi.
Fréttin hefur verið uppfærð.