„Vélin var akkúrat að fara með alla popparaflóruna sem kom fram,“ segir Kristján Freyr Halldórsson, rokkstjóri tónlistarhátíðarinnar Aldrei fór ég suður, þegar blaðamaður slær á þráðinn.
„Við náðum að skila þeim aftur suður,“ segir Kristján kíminn og vísar til heitis tónlistarhátíðarinnar. Hann segist ekki geta fullyrt hvort allir gestirnir hafi komist aftur suður.
Veðrið hafði áhrif á færðina vestur um helgina. Flugvél, með tónlistarfólk frá Reykjavík á leið á hátíðina um borð, seinkaði um nokkra klukkutíma á laugardag en þrátt fyrir það og mikinn snjó segir Kristján hátíðina hafa lukkast vel.
Lesa má meira um málið í Morgunblaðinu ´idag.