„Katrín er góð í öllu sem hún gerir“
Setja bókamerki
„Ég ætla ekkert að tjá mig um þetta. Þetta gerist bara þegar það gerist og kemur bara í ljós.“
Þetta sagði Svandís Svavarsdóttir matvælaráðherra við fjölmiðla eftir fund ríkisstjórnarinnar í dag þegar hún var spurð út í mögulegt forsetaframboð Katrínar Jakobsdóttur. forsætisráðherra.
Ótímabært að ræða formennsku í flokknum
Hefur eitthvað verið rætt við þig um þann möguleika á að taka við formennsku í flokknum?
„Það er algjörlega ótímabært að svara því og við skulum bara sjá hvað setur.“
Hvernig litist þér á Katrínu sem forseta?
„Katrín er góð í öllu sem hún gerir.“
„Ég er í stuði“
Svandís var spurð hvað hafi komið fram á ríkisstjórnarfundinum.
„Það var bara eitt mál á dagskrá og það var verið að afgreiða breytingu á forsetaúrskurði til að setja mig aftur inn í matvælaráðuneytið,“ sagði Svandís við mbl.is.
Svandís sneri aftur til starfa í dag eftir nokkurra vikna veikindafrí. Spurð hvernig sé að vera komin aftur til starfa sagði hún: „Ég er í stuði.“
Bæjarstjórinn ósammála ritara Sjálfstæðisflokksins
Ekki meitlað í stein að það sé komin kreppa
Villandi skilaboð um verðlækkanir hjá Nettó
Mun lækka fasteignaverð þrátt fyrir hærra lóðaverð
„Það ber enginn meiri ábyrgð á stöðu flokksins en ég“
Hyggst leiða ríkisstjórnina til enda