Alls voru 97 mál afgreidd hjá lögreglunni á höfuðborgarsvæðinu frá klukkan 17 í gær til klukkan 5 í morgun.
Í gærkvöldi var tilkynnt um varðeld í Elliðaárdal og við Hvaleyrarvatn en þar reyndist fólk vera að grilla.
Lögreglumenn sinntu einnig tilkynningu um varðeld í bakgarði. Kom þá í ljós þegar lögreglumenn kíktu í garðinn að þar stóð þar tvennt svartklædd með kattareyru að grilla, að því er kemur fram í dagbók lögreglunnar á höfuðborgarsvæðinu.
Þrjár tilkynningar bárust um leigubílstóra í vandræðum með farþega í nótt og komu lögreglumenn þar til aðstoðar.
Þrír gistu fangageymslur vegna ölvunar í miðbæ Reykjavíkur en lögreglan sinnti einnig tilkynningu um minniháttar líkamsárás á skemmtistað í miðbænum og á bar í úthverfi Reykjavíkur.
Fimm ökumenn voru handteknir grunaðir um akstur undir áhrifum áfengis og eða vímuefna á höfuðborgarsvæðinu.