Gerð verður breyting á aðalskipulagi Reykjavíkur svo hægt verði að breyta verslunarplássi í Skerjafirði í íbúð. Það telst til tíðinda að aðalskipulagi sé breytt fyrir eina eign.
Eigandi og lóðarhafi Einarsness 36 sótti um þessa breytingu. Verslunarrekstur hefur ekki gengið þarna sem skyldi enda fáir íbúar í næsta nágrenni. Engin íbúðabyggð er norðan við húsið heldur er þar vestur-austur-flugbraut Reykjavíkurflugvallar.
Síðast var rekinn þar veitingastaður og verslun sem hét Bike Cave. Þetta var vinsæll áningarstaður hjólafólks.
Breytingartillagan, sem samþykkt var í borgarráði, felur það í sér að lóðin Einarsnes 36 verði felld út sem nærþjónustukjarni og á henni gildi eftirleiðis almennar landnotkunarheimildir íbúðabyggðar. Breytingin er talin vera óveruleg samkvæmt skipulagslögum og fer því ekki í opið kynningarferli.
Lesa má meira um málið í Morgunblaðinu í dag.