Ekki þarf að fylla í skarðið á nýja varnargarðinum við Grindavík þar sem hraun rennur ekki til suðurs.

Þetta segir Arnar Smári Þorvarðarson, byggingatæknifræðingur hjá Verkís, í samtali við mbl.is.

Frétt af mbl.is

Beint: Eldgos á Reykjanesskaga

Kvikugangurinn færist nær Grindavík

Verktakar og vinnuvélar voru komin í öruggt skjól áður en gos hófst rétt fyrir kl. 13 í dag. Varnargarðurinn var nánast fullreistur en í honum er eitt skarð sem verktakar hefðu getað rokið til og lokað ef nauðsyn krefst, en svo reyndist ekki.

„[Hraun] mun ekki renna til suðurs alla vega ekki eins og staðan er enn þá,“ segir Arnar.

Almannavarnir greindu frá því fyrir skömmu að kvikugangurinn færðist í átt að Grindavík. Hefur viðbragðsaðilum verið gert að rýma bæinn.

Hraunrennslið virðist aftur á móti stefna annað.

Fram að þessu höfðu 20 millj­ón­ir rúm­metr­ar af kviku safn­ast í kviku­geym­inn und­ir Svartsengi frá 16. mars, þegar síðasta gos hófst. Veður­stofa lýsti síðasta gosi loknu þann 9. maí og hef­ur kviku­söfn­un hald­ist stöðug síðan.

Frétt af mbl.is

Viðbragðsaðilum gert að rýma Grindavík

Tengdar fréttir

Eldvirkni á Reykjanesskaga

Hætta á mikilli loftmengun aftur í dag

• Loftgæðin aftur eðlileg í Vogum
• Ráðleggja fólki að loka gluggum vegna gasmengunar
• Búið að hægjast mikið á landsigi
• Gosmóða mælist víða á suðvesturhorninu

» Fleiri tengdar fréttir

• Blogga um frétt