Þykir leitt að hafa ekki náð að myrða Trump
Setja bókamerki
Maðurinn sem er í haldi grunaður um að hafa sýnt Donald Trump, forsetaframbjóðanda repúblikana, banatilræði um miðjan mánuð skrifaði bréf fyrir banatilræðið ef honum skyldi mistakast.
Þar segir hann að honum þyki leitt að hafa ekki tekist að ljúka ætlunarverkinu en að hann bjóði háar fjárhæðir til þess einstaklings sem sé tilbúinn að myrða Trump.
„Kæri heimur, þetta var banatilræði við Donald Trump en mér þykir leitt að ég hafi brugðist ykkur,“ skrifaði tilræðismaðurinn Ryan Wesley Routh í bréfi sem ríkissaksóknarar hafa greint frá í dómsskjölum.
Wall Street Journal greinir frá.
„Undir ykkur komið að ljúka verkinu“
„Ég reyndi mitt besta og gaf allt sem ég átti til að ljúka verkinu. Það er undir ykkur komið að ljúka verkinu og ég mun bjóða $150.000 (20,5 milljónir króna) til þess einstaklings sem er tilbúinn að ljúka verkefninu,“ segir í bréfinu.
Þann 15. september kom Routh sér fyrir með hríðskotariffil í runna á jaðri golfvallar Trumps í West Palm Beach í Flórída, þar sem Trump var að spila golf. Meðlimur í öryggissveit Trumps kom auga á Routh, skaut nokkrum skotum í átt að honum og Routh flúði vettvanginn.
Hann var handtekinn skömmu seinna.
Skipulagði tilræðið í nokkra mánuði
Vitni fann miðann í kassa sem Routh hafði afhent honum nokkrum mánuðum fyrir sjálft banatilræðið. Vitnið opnaði kassann, sem innihélt einnig skotfæri, verkfæri og rör, eftir að það frétti að Routh hefði verið sakaður um að reyna að myrða Trump.
Saksóknarar segja að Routh hafi skipulagt tilræðið í nokkra mánuði.
Hann hafði tekið saman ýmis gögn um það hvar hann teldi að Trump yrði og þá mætti hann í Flórídaríki rúmlega mánuði fyrir sjálft banatilræðið.
Landsréttur sýknar SKE af kröfu Samskipa
Kristín kjörin nýr umboðsmaður Alþingis
/frimg/1/51/78/1517859.jpg)
Tekur of langan tíma: Bjarni hvattur til úrbóta
Hefja formlegt söluferli á Olíudreifingu
Tókst ekki að sanna orsakasambandið
Jón: 70% Viðreisnarmaður samkvæmt kosningaprófi
Ekkert bendir til þess að atburðarásinni sé lokið
/frimg/1/32/47/1324721.jpg)
Rannsókn í byrlunar- og símamáli felld niður