Lögreglan í Reykjavík handtók tvo erlenda ríkisborgara vegna gruns um sölu á fíkniefnum í Laugardalnum. Þeir gáfu hvorugir upp nafn.
Lögregla lagði hald á bæði fjármuni og fíkniefni.
Þetta kemur fram í dagbók lögreglu.
Í dagbókinni segir einnig að ekið hafi verið á hjólreiðamann í miðbæ Reykjavíkur og hlaut hann áverka á andliti.
Þrjár tilkynningar bárust um þjófnað úr verslunum og innbrot í bifreið.
Á lögreglustöð 2, sem sinnir verkefnum í Hafnarfirði og Garðabæ, var tilkynnt um bruna í nýbyggingu. Segir í dagbók lögreglunnar að engan eld hafi verið sjá við komu á vettvang en miklar skemmdir hafi verið innandyra og málið sé í rannsókn.