Atkvæði Grímseyinga komin til Akureyrar
Setja bókamerki
Atkvæðum Grímseyinga hefur verið komið til Akureyrar.
Sautján Grímseyingar höfðu í gær greitt atkvæði utan kjörfundar eða allir þeir sem voru staddir á eyjunni ef undan er skilinn formaður kjörstjórnar í Grímsey, Anna María Sigvaldadóttir, en hún mátti ekki kjósa utan kjörfundar hjá sjálfri sér og kaus því utan kjörfundar á Akureyri í dag þegar hún hafði skilað af sér kjörgögnunum.
Alls eru 49 Grímseyingar á kjörskrá.
Vikublaðið greindi fyrst frá.
Gekk á milli húsa
Í samtali við mbl.is segir Anna að ákvörðun Grímseyinga um að kjósa utan kjörfundar hafi verið tekin vegna slæmrar veðurspár. Hún gekk því á milli húsa í gær og tóku allir íbúar vel í að kjósa utan kjörfundar.
„Ég fór bara og talaði við alla augnliti til augnlits og spurði hvort allir væru sáttir við þetta og allir sögðu bara: „Að sjálfsögðu.““
Þrátt fyrir að allir þeir sem eru staddir í eyjunni hafi þegar kosið þá verður lögum samkvæmt að hafa kjörstað opinn í eyjunni í einhvern tíma á kjördag.
Grímseyingar hafa þá kost á að breyta atkvæði sínu skyldi þeim snúast hugur.
„Hún er jafnvel fegurri en áður“
Hátt í 600 nýjar íbúðir í Hafnarfirði
Bláa lónið lokað fram yfir helgi
Teknir með kókaín í nokkru magni
„Kveðjustundirnar eru farnar að verða erfiðari“
Heitavatnsnotkun jókst um allt að 10%
„Óafsakanlegt“ að börnin sitji enn heima
„Versta spáin virðist vera að rætast“
