Íslenska karlalandsliðið í fótbolta æfði í dag á þjóðarleikvangi Svartfjallalands í miðborg höfuðborgarinnar Podgorica.

Ísland mætir Svartfjallalandi á morgun í Þjóðadeildinni og verður leikurinn spilaður í Niksic þar sem völlurinn í Podgorica er óleikfær að mati eftirlitsmanna UEFA.

Þrátt fyrir það æfði íslenska liðið á vellinum og fékk blaðamaður mbl.is að vera viðstaddur æfinguna.