Ný köngulóategund nefnd eftir Thunberg
Setja bókamerki
Afrekalisti sænska lotfslagsaðgerðasinnans Gretu Thunberg er orðinn ansi langur þrátt fyrir ungan aldur. Nú getur manneskja ársins að mati TIME tímaritsins bætt því á listann að heil tegund köngulóa hefur verið nefnd í höfuðið á henni.
Thunberga gen. nov. er heiti á nýrri tegund veiðiköngulóa sem þýski áttfætlufræðingurinn Peter Jager uppgötvaði nýverið. Jager nefndi tegundina í höfuðið á Thunberg, ekki síst til að heiðra framlag hennar til baráttunnar gegn loftslagsvánni. Sjálfur hefur Jager tekið þátt í nokkrum loftslagsmótmælum. Mótmælt var víða um heim í dag og er það í 95. sinn sem vikuleg loftslagsmótmæli fara fram að frumkvæði Thunberg.
Jager vill einnig vekja athygli á þeim áhrifum sem loftslagsbreytingar hafa á heimkynni veiðiköngulóa á Madagaskar, þar sem hann uppgötvaði nýju tegundina. Thunberga-veiðiköngulær eru frábrugðnar öðrum veiðiköngulóm hvað varðar stöðu augnanna og þá hafa þeir einstakar doppur á bakinu. Veiðiköngulær er ein af fáum köngulóartegundum sem spinna ekki vef heldur stunda þær veiðar til að lifa af og nærast.
Jager hefur uppgötvað nokkrar nýjar köngulóategundir á starfsferli sínum og þetta er ekki í fyrsta sinn sem hann nefnir nýja tegund eftir frægri manneskju en hann hefur til að mynda nefnt tegund veiðiköngulóa í Suðaustur-Asíu eftir sjálfum David Bowie.
„Menn eru bara búnir að forgangsraða“
Innviðir þandir og álagið „gríðarlegt“
Kvikan virðist nú skiptast til helminga
Bjarkey stendur við skammarbréf Svandísar
Hafa samþykkt kaup fyrir um 9,2 milljarða
Aðeins ein leið fær í Grindavíkurmálum
„Það er skiljanlegt að þolinmæði þeirra sé lítil“
Færa slökkviliðið til nútímans