Raufarhöfn á stjörnufræðimynd dagsins hjá NASA

Vígahnötturinn sem sást brenna upp í and­rúms­loft­inu á sama tíma yfir Heim­skauta­gerðinu á Raufar­höfn í síðustu viku hefur vakið athygli geimferðastofnunar Bandaríkjanna (NASA).

Ljósmynd sem tekin var í Raufarhöfn var valin stjörnufræðimynd dagsins hjá NASA, þann 16. september.

Ljósmyndarinn Jennifer Franklin náði undursamlegri ljósmynd af samspili norðurljósastrauma og vígahnattarins.

Frétt af mbl.is

Stórkostlegt samspil tveggja náttúruundra

Víga­hnött­ur er loft­steinn sem brennur upp í and­rúms­loft­inu. Hann er aðeins stærri en dæmi­gerð stjörnu­hröp og verður ámóta skær­ og Ven­us þegar hún er skær­ust.

Örlygur Hnefill Örlygsson, safnstjóri Könnunarsafnsins á Húsavík, greindi frá ljósmyndavalinu á fésabókarsíðu sinni. Þá óskaði hann íbúum á Raufarhöfn til hamingju og benti á að myndin kæmi fyrir augu milljóna stjörnuáhugafólks um allan heim.

• Blogga um frétt