Fínasta veiði hefur verið í Eyjafjarðará það sem af er þessu sumri þrátt fyrir talsverða kalsatíð inn á milli, en athygli vekur góð meðalþyngd veiddra fiska.
Samkvæmt upplýsingum frá Veiðitorginu, sem annast sölu á veiðileyfum og heldur til haga skráningu á veiðinni þar, þá er búið draga að landi 193 silunga frá því að veiði hófst þann 1. apríl. Skiptist veiðin í 125 bleikjur og 67 sjóbirtingar, en aðeins er veitt á tveimur neðstu svæðum árinnar og það sem vekur athygli er mikið magn af vænum fiski.
Meðallengd sjóbirtinga er rúmir 60 cm sem gerir meðalþyngd uppá tæp sjö pund. Sá stærsti það sem af er veiddist á flugu þann 12. apríl á ómerktum stað á svæði 1 og var mældur 89 cm eða rúm 17 pund. Tuttugu sjóbirtingar hafa komið á land sem eru yfir 70 cm á lengdina og sex af þeim yfir 80 cm.
Bleikjurnar hafa einnig margar hverjar verið rígvænar en þar er meðalþyngdin um þrjú pund. Stærsta bleikja það sem af er veiddist þann 2. apríl á flugu á svæði eitt og var 67 cm á lengdina eða rúm átta pund. Það sem af er hafa átta bleikjur yfir 60 cm verið dregnar að landi.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |