Fluga vikunnar fyrir silung er Krókurinn hans Gylfa Kristjánssonar sem er löngu orðin ein þekktasta silungsveiðipúpan í bransanum. Krókinn má nota jafnt í urriða og bleikju en einnig hafa veiðst á hana margir laxar þegar henni er kastað andstreymis í litlu vatni síðsumars. Algengara er að veiða á stærri útfærslur Króks á vorin og snemmsumars en þegar líða fer á og hitnar er betra að fara í smærri flugur.
Hitch eða gáruaðferðin er af mörgum talin sú skemmtilegasta í laxveiðinni. Áður fyrr var sett bragð á tauminn yfir hausinn á léttklæddri flugu en í seinni tíð hafa gárutúpurnar eða "hitch túpurnar" meira og minna tekið yfir. Þegar veitt er á hitch skal mynda fínlega "v"-lagaða gáru á yfirborði vatnsins og oftar en ekki má sjá miklar ólgur og læti þegar laxinn stekkur eða veltir sér á túpuna. Á myndinni eru þrjár af þeim bestu eða Silver Wilkinson til vinstri, Arndilly Fancy til hægri og Collie Dog fyrir aftan.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |