Rússar afbóka 100 milljóna kr. ferð

Árni Baldursson vildi ekki tjá sig um einstaka viðskiptavini hjá …
Árni Baldursson vildi ekki tjá sig um einstaka viðskiptavini hjá Lax-á. „Ég segi ekkert, Eggert.“ lax-a.net

Rússneskur auðkýfingur sem hafði pantað tíu daga veiði í Eystri-Rangá, allar stangir, tólf bílaleigubíla, þyrlur og hvers kyns þjónustu, tilkynnti með tveggja daga fyrirvara að hann myndi ekki mæta á svæðið. Auðkýfingurinn hefur árum saman veitt í Eystri-Rangá á vegum Lax-ár sem er með ána á leigu.

Árni Baldursson sem veitir Lax-á forstöðu staðfesti að áin hafi meira og minna runnið óveidd síðustu daga. Rússneska hollið átti að veiða 11. til 20. júlí.

Heimildamenn Sporðakasta segja að heildarpakkinn hafi verið á annað hundrað milljónir króna, fyrir veiðileyfi, auka leiðsögumenn, leigu á farartækjum og aðra þjónustu. Árni Baldursson leigutaki vildi ekki staðfesta neitt í þessu sambandi og sagði, „Ég segi ekkert, Eggert.“

Var hann búinn að borga leyfin?

„Ég bara get ekki tjáð mig um einstaka viðskiptavini,“ svaraði Árni Baldursson, aðspurður. Varðandi mögulega ástæðu fyrir þessum stutta fyrirvara segir Árni að líkast til megi tengja þetta við þá ofurtolla sem Trump hefur verið á setja á innflutt stál til Bandaríkjanna og þetta hafi að öllum líkindum verið að hafa mikil áhrif á ákvörðun Rússanna.

Og hvað? Er enginn að veiða við ána?

„Nánast ekki. Ég hef leyft leiðsögumönnum að veiða en það hefur verið hverfandi miðað við ef áin hefði verið fullmönnuð, eins og til stóð.“

Árni segist vera búinn að vera í þessum bransa í þrjátíu ár og sé orðinn of gamall til missa svefn yfir svona hlutum. „Ég er sultuslakur að veiða í Stóru-Laxá. Auðvitað er verið að greiða úr þessum málum og það tekur einhvern tíma en ég er bara slakur.“

Og er veiði í Stóru?

„Já þetta er bara fínt. Á sautján dögum hafa veiðst 104 laxar á svæði eitt og tvö. Ég er hérna með einn Japana og tvo Svisslendinga og við erum búnir að vera í tvo daga og erum með 22 laxa. Er það ekki bara gott?“

mbl.is

Bloggað um fréttina

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert