Hreindýraveiði er hafin þó svo að hinn almenni veiðitími hefjist ekki fyrr en 1. ágúst. Umhverfisstofnun getur heimilað veiði á törfum frá 15. júlí. Heimillt er að skjóta tarfa fram til 15. september og kýr fram til 20 september.
Félagarnir Haukur Óskarsson og Ólafur Vigfússon fóru nýlega á svæði II og áttu þar leyfi hvor á sinn tarfinn. Leiðsögumaður þeirra var Jón Egill Sveinsson á Egilsstöðum.
„Við fundum þokkalega góða hjörð á Fljótsdalsheiði. Flestir tarfarnir voru í minni kantinum en þó voru tveir vænir í hjörðinni,“ sagði Ólafur í samtali við Sporðaköst.
„Við gengum einhverja tæpa tvo kílómetra að hjörðinni sem þá tók á rás út á flatneskju þar sem erfitt var að komast að dýrunum. Í nágrenninu fundum við skorning sem við gátum farið eftir og svo skriðið síðustu metrana til að komast í ákjósanlegt færi.“
Þeir náðu að fella tvo stærstu tarfana í hjörðinni. Veðrið var eins og best á kosið og Ólafur segir að þeir hafi átt góðan dag á fjöllum.
Eins og sjá má á meðfylgjandi mynd felldi Ólafur glæsilegan tarf og vel hyrndan.
Heildarkvóti á hreindýr á þessu ári er 1.450 dýr. Þar af er fjöldi tarfa 389 og kýr 1.061. Eins árs gamlir tarfar eru friðaðir og miðast veiðin á törfum við eldri tarfa.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |