Leirvogsá hefur gefið 165 laxa það sem af er sumri. Það er mun betri veiði en á sama tíma í fyrra og er að sama skapi töluvert meira af laxi í ánni og hann er vel dreifður. Villimenn eru að veiðum í Leirvogsá í dag, en það er hópur ungra manna sem eru mjög áberandi á samfélagsmiðlum í frásögnum af veiði af öllum toga. Hópurinn kallar sig Villimenn en þeir standa tæpast undir nafni þar sem nánast öllum fiski er sleppt.
Þeir lönduðu einum laxi í morgun sem tók maðk á Nýju-Brú og svo misstu þeir einn á flugu í Neðri-Skrauta. Elías Pétur Viðfjörð, einn af Villimönnum, lét vel af Leirvogsá og sagði hann mikið af fiski í ánni en takan væri róleg. „Þetta kemur örugglega seinnipartinn,“ sagði Elías í samtali við Sporðaköst, nú í hléinu.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |