Laxinn líka mættur í Vopnafirði

Fyrsta laxveiðiáin opnar í fyrramálið við veiðisvæðin í Urriðafossi í Þjórsá. Talsvert er síðan menn urðu varir við fyrstu laxana þar og í nokkrum ám á suður- og vesturlandi þar sem þeir ganga alla jafnan fyrr en á norðausturlandi.

Stefán Hrafnsson á Vopnafirði og leiðsögumaður við Selá gerði sér ferð á miðvikudaginn að Selárfossi með ungum syni sínum til kíkja eftir laxi.

Að sögn Stefáns sá hann fljótlega einn sem lá ofarlega utan í klöpp að norðanverðu, sá lá djúpt og var dökkur og þunnur og því að öllum líkindum um hoplax að ræða.

Það leyndi sér hins vegar ekki að upp upp á klöppinni að sunnanverðu voru þrír bjartir tveggja ára laxar.

Að sögn Stefáns er magnað að lax sé þegar genginn í Selá í maí og fá dæmi um slíkt. Veiði hefst ekki í Vopnafjarðaránum fyrr en eftir um fjórar vikur

Þor­steinn Þor­geirs­son fyrrverandi bóndi á Ytri-Nýp í Vopnafirði sem kom­inn er hátt á tiræðis­ald­ur hafði fyr­ir venju um ára­tugaskeið að veiða Foss­inn á sjálfan þjóðhátíðardag­inn 17. júní.  Kvaðst hann aldrei hafa fengið eða orðið var við nýjan lax svo snemma á þeim árum.

• Blogga um frétt

Seinustu hundraðkallar sumarsins