Norðurá í Borgarfirði verður opnuð með formlegum hætti á þriðjudagsmorgun að sögn Einars Sigfússonar, sem hefur umsjá með rekstri árinnar. Talsvert er síðan menn sáu fyrstu laxana.
Að þessu sinni mun Guðrún Sigurjónsdóttir á Glitstöðum sjá um að opna ána formlega, en hún er að sögn Einars mikill bústólpi í héraðinu og formaður Kaupfélags Borgfirðinga. Þá er Guðrún að auki formaður veiðifélags Norðurár, eins og Sigurjón Valdimarsson faðir hennar var áður um rúmlega tveggja áratugaskeið.
Guðrún tók við formennskunni af Birnu Konráðsdóttur á Borgum fyrir um tveimur árum. Veiðifélag Norðurár er eitt stærsta veiðifélag landsins með 41 landeiganda.
Einar gat þess að menn sem hefðu verið að vinna við undirbúning fyrir sumarið við ána undanfarið hefðu þegar séð talsvert af laxi, eins og í Stokkhylnum, Eyrinni, Klingenberg og Krossholu. Lítið vatn er hins vegar í ánni og rennsli hennar núna einungis í kringum fjóra rúmmetra á sekúndu, en meðal sumarrennsli er í kringum tíu. Við opnun árinnar í fyrra stóð áin í 40 rúmmetrum.
Einar kvaðst ekki hafa áhyggjur af vatnsskorti í upphafi vertíðar og leggja traust sitt á nafna sinn Sveinbjörnsson veðurfræðing sem væri búinn að spá votviðrasömu sumri á Suður- og Vesturlandi. Ef spá nafna síns gengi hins vegar ekki eftir sagði Einar ljóst að lág vatnsstaða í ánum vestanlands væri talsvert áhyggjuefni fyrir sumarið.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |