Að sögn Inga Helgasonar leiðsögumanns við Haffjarðará í Hnappadalssýslu fer veiði þar ágætlega af stað fyrstu dagana enda er talsvert langt síðan menn urðu varir við fyrstu laxana.
Elstu menn í sveitinni muna þó ekki eftir að hafa séð hana svo vatnslitla í upphafi veiðitímans og undanfarið. Það virðist þó ekki hamla því að laxinn gangi upp ána því talsvert magn af fiski er þegar komið í hana.
Fram kom hjá Inga að fyrsti hópur veiðimanna hefði byrjað eftir hádegið á fimmtudaginn og væri búið að landa rúmlega 30 löxum eftir 6 vaktir. Veitt er á sex stangir og um er að ræða erlenda veiðimenn sem fara sér að engu óðslega og eru rólegir við veiðarnar.
Ingi sagði að mestallt af þessum fiski væri stór og fallegur vorlax og taldi að aðeins væru tveir smálaxar komnir á blað í hópi fyrstu laxa sumarsins.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |