Samkvæmt upplýsingum frá Frey Guðmundssyni, eins af leigutökum Deildarár á Melrakkasléttu er ágætisgangur þar þessa dagana.
Fram kom að fín veiði hafi verið síðustu daga og nýr fiskur væri að ganga inn á hverju flóði. Laxinn væri orðinn vel dreifður um alla á.
Hópur veiðimanna sem var að klára þriggja daga veiði í hádeginu náði tíu á land á þrjár stangir. Væru þá komnir 20 laxar í bók sem Freyr sagði að væri vel við unandi. Hann kvaðst ekki hafa heyrt af Ormarsá sem væri þarna í næsta nágrenni, en vissi þó að talsvert af fiski hefði sést í henni skömmu áður en hún opnaði seinni hluta júní.
Að lokum sagðist Freyr vera staddur með erlenda veiðimenn í silungsveiði á Grímstungu- og Haukagilsheiði þar sem væri búin að vera góð og flott veiði, sérstaklega í svokölluðu Refkelsvatni. Þá væri góð veiði í ánum þar í kring og meðalþyngd um tvö kíló.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |