Veiði | mbl | 9.7.2019 | 22:08 | Uppfært 10.7.2019 5:13

Risalaxar á sveimi í Laugardalsá

Stærri laxinn stingur sér í gegnum teljarann á mikilli ferð. Riverwatcher

Á laugardaginn var gekk risalax í gegnum teljarann í Laugardalsá í Ísafjarðardjúpi.

Á vefsíðunni riverwatcherdaily.is er hægt að fylgjast með gönguferðum laxfiska í nokkrum ám á landinu þegar þeir ganga í gegnum þar til gerða teljara.

Það var síðastliðinn laugardag að tveir höfðingjar gengu í ána með nokkurra klukkustunda millibili. Sá fyrri gekk í gegn klukkan 12:20 og reyndist vera 105 sentimetrar að lengd. Sá seinni gekk þar í gegn klukkan 17:14 og var mældur 111 sentimetra hængur sem er ekki langt frá 30 pundum, en mikilvægt væri að vita ummál þeirra til að fá nákvæmari þyngd fram.

Þennan dag gengu einnig þrír smálaxar til viðbótar í gegnum teljarann, ásamt einum urriða. Í sumar hafa 77 fiskar átt leið þar í gegn og einhver hluti þeirra eru silungar.

Stangaveiðifélag Reykjavíkur er leigutaki að Laugardalsá en ekkert hefur frést af veiðiskap þar í sumar.

Hægt er að berja skepnurnar augum hér

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.