Veiði | mbl | 10.7.2019 | 15:19

Líflegt víða í Soginu

Stefán Kristjánsson með lax úr Ásgarði. Takið eftir að Stefán er í björgunarvesti og er það til fyrirmyndar. Það er búnaður sem veiðimenn ættu að notast við í Soginu. Ljósmynd/Aðsend

Á mælikvarða fyrri hluta sumars 2019 er góð veiði í Soginu. Veiðisvæðið Ásgarður hefur verið að gefa ágæta veiði upp á síðkastið og sagði landeigandinn Árni Baldursson frá því að í gær veiddust fjórir laxar þar og fimm deginum áður. Hins vegar töpuðust ellefu laxar þessa daga.

Þá fór veiðimaður í Syðri Brú í vikunni og sá hóp af laxi á hinni þekktu Landaklöpp og náði hann fjórum grálúsugum smálöxum þann daginn.

Þá hefur heyrst af laxi í Bílsfellinu. Sogið gaf ágæta veiði í rigningasumrinu 2018 og var þá ein kenningin að illa hefði gengið hjá netabændum vegna mikils vatns. Áhugavert verður að sjá hvort þessi veiði haldi áfram á svipuðum nótum og í fyrra því nú er netaveiði hafin neðar á vatnasvæðinu.

Sogið býður einnig upp á góða bleikjuveiði. Þar eru Ásgarður og Bíldsfell öflug svæði þegar kemur að stóru bleikjunni. Það sama á við um Syðri Brú en þar er mikið af vænni bleikju í Bláhyl.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.