Veiði | mbl | 11.7.2019 | 13:41

Laxveiðin ekki svipur hjá sjón

Þetta er það sem allir eru að leita að. Veiðin hefur hins vegar virkilega döpur en engu að síður spennandi tímar framundum, með rigningu og stórstreymi. Ljósmynd/Aðsend

Vikulegar veiðitölur hafa verið birtar á heimasíðu Landssambands veiðifélaga, angling.is. Þar sést hversu illa hefur gengið í laxveiðinni það sem af er sumri. Veiðin er víða einungis brot af því sem ætti að vera á þessum tíma í meðal ári. Sérstaklega á þetta við um þekktu árnar í Borgarfirði, eins og Norðurá, Þverá/Kjarrá og fleiri. Mikið harðlífi má einnig lesa út úr þessum tölum hvað varðar árnar í Húnavatnssýslu, eins og Vatnsdalsá og Víðidalsá. Athygli vekur að Miðfjarðará er komin yfir 200 laxa og þar eru að veiðast um tíu fiskar á dag að meðaltali. Að sögn Rafns Alfreðssonar leigutaka er töluvert mikið af fiski á vatnasvæðinu en takan er dræm og er það að hluta til að kenna hversu staðið og súrefnislítið vatnið er.

Nú eru fyrstu alvöru rigningarnar í veðurspám og framundan er það stórstreymi sem á að gefa mest af göngum. Eftir þann straum mun liggja nokkurn veginn fyrir hvernig sumarið verður.

Einn af hinum svokölluðu gárungum leit yfir veiðitölurnar á angling.is og velti fyrir sér hvort ekki hefði gleymst eitt núll fyrir aftan tölurnar hjá flestum ánum.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.