Fréttir hafa borist af ágætri silungsveiði upp á svokallaðri Grímstunguheiði sem eru víðáttumikil heiðarlönd sem liggja upp af Vatnsdal í Austur Húnavatnssýslu
Upptök Vatnsdalsár eru þarna og að sögn Freys Guðmundssonar sem þekkir vel til á heiðinni, þá er þetta paradís fyrir ákveðinn hóp stangaveiðimanna sem hafa gaman af því að hafa talsvert fyrir hlutunum við veiðarnar. Þetta er talsvert mikill gangur og þurfa menn að vinna talsvert fyrir þessum fiskum.
Til að komast inn á heiðina er beygt frá þjóðvegi eitt inn í Vatnsdal og svo beygt upp með Álku innarlega í dalnum, jeppafæran slóða áleiðis inn á heiðina.
Freyr var nú í vikunni með Svía við veiðar sem eru að gera sjónvarpsþátt um svæðið. Voru þeir komnir með 34 bleikjur úr ánum eftir 5 daga. Aðeins einn fiskur vigtaði undir 2 kíló, en öllum sem landað var voru vigtaðir í háf. Sá stærsti vigtaði slétt 4 kíló.
Efri hluti Vatnsdalsár er vatnsmestur og þar veiðast oft stærstu fiskarnir, en veiða má Vatnsdalsá ofan fossaraðarinnar Rjúkanda, Kerafoss og Skínanda. Í kvíslunum sem mynda Vatnsdalsá má einnig gera góða veiði og hefur Strangakvísl oft gefið vel. Einnig er fiskur í Þjófakvísl, Miðkvísl og Kolkukvísl.
Refkelsvatn og Galtavatn eru þau vötn sem eru hvað vinsælust og er fiskurinn er í þeim vænn og meðalþyngd um 3 pund. Fjöldi annarra vatna er á heiðinni og fiskur í þeim flestum.
Að sögn Freys skiptir veðrið öllu máli á þegar veitt er á heiðinni, þurrt og gott veður. Aðstæða til gistingar er í Öldumóðuskála.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |