Stórlax á land á Laxamýri

Arnar með 104 cm hænginn við Eskey
Arnar með 104 cm hænginn við Eskey Ljósmynd/Aðsend

Í gær kom alvöru stórlax á land á svokölluðu Laxamýrarsvæði í Laxá í Aðaldal sem er einn sá stærsti sem frést hefur af það sem af er sumri.

Það var Arnar Guðjónsson sem fékk glæsilega 104 cm lax á Eskeyjarflúð í gær og tók sá stóri litla Sunray flugu.

Ætlaði hann fyrst í fyrst í stað að skella sér niður af brotinu og hefði þá ekki þurft að spyrja að leikslokum. Tókst hinsvegar að teyma hann upp fyrir brotið og var honum að lokum landað þar. Arnar var þarna á veiðum með Ingvari Hákon Ólafsson.

Þeir félagar Arnar og Ingvar hafa hinsvegar ekki bara fengið þennan drjóla því Ingvar landaði 96 cm hrygnu á Núpafossbrún á morgunvaktinni í dag. Þessu til viðbótar hafa þeir félagar landað tveim hrygnum yfir 85 cm á Mjósundi og Brúarstreng.

Lax Arnars er einn sá stærsti sem landað hefur verið á landinu í sumar, en undir lok júní var 108 cm laxi landað litlu ofar í dalnum, á Nessvæðinu.

Frekar róleg veiði hefur verið í Aðaldalnum í sumar og samkvæmt veiðitölum að morgni síðastliðinn fimmtudag voru 156 laxar komnir á land úr allri ánni, en voru 278 á sama tíma fyrir ári.

Hugsanlega er eitthvað að rætast þar úr eins og þessar fréttir bera með sér og eins frá Nesi í morgun þar sem sjö löxum var landað.

Ingvar Hákon með 96 cm hrygnu við Núpafossbrún.
Ingvar Hákon með 96 cm hrygnu við Núpafossbrún. Ljósmynd/Aðsend
mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert