Samkvæmt upplýsingum frá Veiðiþjónustunni Strengi sem annast utanumhald á veiði í Jöklu á Jökuldal þá hefur veiði verið ágæt þar í sumar og áin komin yfir 100 laxa. Breiðdalsá hefur hins vegar lítið verið stunduð það sem af er sumri.
Fram kemur að ágætur gangur hefur verið í Jöklu og braut áin 100 laxa múrinn í gær. Smálax er farinn að veiðast en uppistaðan er vænn stórlax.
Breiðdalsá hefur verið lítið stunduð það sem af er en veiðimenn sem voru nýlega settu í þrjá laxa í Bryggjuhyl og lönduðu tveimur og var annar þeirra 94 cm í gær dreki.
Í fyrradag fór svo erlendur veiðimaður í ána sem aldrei hafði veitt lax áður og setti í þrjá laxa og landaði tveimur.
Fyrsta alvöru hollið byrjar svo í Breiðdalsá á miðvikudaginn kemur.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |