Veiði | mbl | 22.7.2019 | 23:20 | Uppfært 23.7.2019 5:58

Mokveiði í Eystri-Rangá

101 cm hængur sem David Chantler veiddi á laugardaginn í Eystri-Rangá. Lax-á

Eystri-Rangá er eina laxveiðiáin þar sem veiði er virkilega góð þessa dagana og nokkuð betri en á sama tíma í fyrra. Óhætt er að tala um mokveiði þar um þessar mundir.

Samkvæmt upplýsingum frá umsjónarmanni árinnar komu 67 laxar á land þar í gær og 81 deginum þar á undan. Í dag komu svo 92 laxar á land og er „myljandi“ smálax að ganga þessa dagana í bland við þá stærri sem fyrir eru.

Heildarveiðin í kvöld fór þar með yfir 1.000 laxa og er hún fyrsta laxveiðiáin sem nær því. Heildarveiði síðasta sumar var 3.960 laxar, en veiða má á allt að 18 stangir þar á dag.

Frá Ytri-Rangá berast einnig fréttir þess efnis að veiðin hafi verið að aukast síðustu daga eftir fremur rólega byrjun. Telja menn þar eystra sig sjá merki þess að fyrstu alvörusmálaxagöngur sumarsins séu að skila sér inn.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.