Veiði | mbl | 25.7.2019 | 21:41 | Uppfært 26.7.2019 13:47

Dregið úr veiði í Veiðivötnum

9,4 punda urriði úr Skálavatni frá því fyrr í sumar. Bryndís Magnúsdóttir

Samkvæmt upplýsingum frá Veiðifélagi Landamannaafréttar hefur heldur dregið úr veiðinni í Veiðivötnum eftir frábæra byrjun.

Fram kemur að í fimmtu viku hafi veiðst 1.695 fiskar, 629 urriðar og 1.066 bleikjur. Það er umtalsvert minni veiði en vikurnar þar á undan.

Fyrsta vikan gaf 4.020 fiska og hefur svo jafnt og þétt dregið úr henni. Önnur vikan gaf 3.638, þriðja vikan 3.114 og fjórða vikan 2.394.

Flestir fiskar í vikunni veiddust í Snjóölduvatni og komu 838 þar á land, en næst á eftir kom Litlisjór með 202 veidda fiska.

Heildarveiðin í sumar er nú komin í 14.861 fisk sem skiptust í 7.104 urriða og 7.757 bleikjur. Hafa flestir fiskar komið á land úr Snjóölduvatni, 4.109, og úr Litlasjó hafa fengist 3.473 fiskar.

Þyngsti fiskurinn er enn sem komið er 13,2 punda urriði sem veiddist í Hraunvötnum í fyrstu vikunni.

Mesta meðalþyngd er í Ónýtavatni fremra, 3,0 pund, en í Grænavatni er meðalþyngdin 2,6 pund. Einnig er góð meðalþyngd úr Arnarpolli, Hraunvötnum og Litlasjó. Meðalþyngd afla úr vötnunum er 1,3 pund það sem af er sumri.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.