Veiði | mbl | 27.7.2019 | 9:48 | Uppfært 12:48

Risi á land í Þverá

Aðalsteinn Pétursson leiðsögumaður með stórlaxinn við Klapparhyl í gærkvöldi. Alan Smith

Stórfiskur sem kom á land í Þverá í Borgarfirði í gærkvöldi gladdi mikið og var tilbreyting frá því erfiða ástandi sem þar hefur ríkt í allt sumar.

Það var breski veiðimaðurinn Alan Smith sem landaði 102 cm hæng úr Klapparfljóti undir dyggri handleiðslu Aðalsteins Péturssonar leiðsögumanns. Tók sá stóri litla Hairy Mary flugu númer 14.

Er þetta kærkomin tilbreyting frá því vatns og fiskleysi sem einkennt hefur sumarið í Borgarfirðinum að sögn Ingólfs Ásgeirssonar eins af leigutökum árinnar. Talsvert er þó af fiski á nokkrum stöðum í ánni þar sem laxinn hefur bunkast upp og leitað skjóls á dýpstu staðina, einkum þó í Kaðalstaðahyl og Klapparfljóti.

Rétt tæpir 400 laxar eru komnir á land úr Þverá/Kjarrá það sem af er sumri sem er einungis 20% af veiðinni á sama tíma fyrir ári þegar rúmir 1800 laxar voru komnir á land. Er þetta því eitt lélegasta veiðiár sem menn þekkja frá því stangveiðar hófust í ánni.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.