Veiði | mbl | 1.8.2019 | 2:05 | Uppfært 11:42

Eystri-Rangá að stinga af

Ítalskur veiðimaður landar smálaxi úr einum af Brekkulækjarstrengjum í Miðfjarðará síðdegis í gær. ÞGÞ

Vikulegur listi Landssambands veiðifélaga yfir laxveiði í ám landsins var birtur í nótt. Samkvæmt honum er Eystri-Rangá langefst af ánum hvað heildarveiði varðar og munar um helming miðað við næsta veiðisvæði þar á eftir.

Veiði er víðast hvar mjög dræm og langt undir meðalveiði og virðist Eystri-Rangá vera eina undantekningin hvað það varðar og er komin í 1.349 laxa. Það er 669 löxum meira en í Urriðafoss í Þjórsá sem hefur gefið best af sjálfbæru veiðiánum með 680 laxa og eru Miðfjarðará og Selá þar er skammt á eftir. Eitthvað virðist þó vera að draga úr veiði í Eystri-Rangá samkvæmt listanum þar sem síðasta vika gaf 166 laxa á móti nálægt 500 í vikunni á undan.

Mikil veiði er í Selá í Vopnafirði og gaf síðasta vika þar 232 laxa.

Hægt er að tala um hrun í mörgum ám á Vesturlandi eins og til dæmis Laxá í Kjós þar sem einungis eru 83 laxar komnir á land í heildina og aðeins 8 löxum var landað í síðustu viku. Svipaða sögu er að segja frá mörgum öðrum ám á landinu þar sem allt stefnir í að sumarið í ár verði eitt það versta frá upphafi nútímastangveiða hér á landi. Einkum kemur tvennt til, lítil laxagengd til viðbótar við einhverja mestu þurrka í manna minnum. Hugsanlega gæti vætutíð seinni hluta sumars og bættur vatnsbúskapur í kjölfarið lagað eitthvað stöðuna.

Hér listinn yfir 10 efstu árnar eins og staðan er þessa vikuna.

1. Eystri-Rangá 1.349 laxar – vikuveiði 166 laxar (1.367 á sama tíma 2018)

2. Urriðafoss 680 laxar – vikuveiði 44 laxar (1.034 á sama tíma 2018)

3. Miðfjarðará 647 laxar – vikuveiði 154 laxar (1.422 laxar á sama 2018)

4. Ytri-Rangá 628 laxar – vikuveiði 161 lax (1.549 laxar á sama tíma 2018)

5. Selá í Vopnafirði 606 laxar – vikuveiði 232 laxar (706 á sama tíma 2018)

6. Blanda 480 laxar – vikuveiði 155 laxar (771 lax á sama tíma 2018)

7. Þverá/Kjarrá 421 lax – vikuveiði 76 laxar (1.975 laxar á sama tíma 2018)

8. Elliðaárnar 351 lax – vikuveiði 48 laxar (684 laxar á sama tíma 2018)

9. Hofsá í Vopnafirði 325 laxar – vikuveiði 93 laxar (384 laxar á sama tíma 2018)

10. Haffjarðará 302 laxar – vikuveiði 46 laxar (1.075 laxar á sama tíma 2018)

Nánar má kynna sér þessar upplýsingar hér.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.