Veiði | mbl | 2.8.2019 | 17:07

Efsta svæðið í Eyjafjarðará opnað

Jón Gunnar með kusuna. Hún mældist 72 sentímetrar og tók Krókinn númer tólf. Ljósmynd/Aðsend

Eitthvert magnaðasta bleikjusvæði á Íslandi og þó víðar væri leitað er efsta svæðið í Eyjafjarðará eða fimmta svæðið. Þetta svæði opnar síðar en neðri svæðin og hófst veiðin í gær. Svæðið er þekkt fyrir stórar bleikjur. Einn þeirra sem opnaði svæðið í gær er Jón Gunnar Benjamínsson sem er í stjórn veiðifélagsins.

Óhætt er að segja að svæðið hafi staðið undir væntingum og náði Jón Gunnar meðal annars í eina kusunum, eins og þær eru kallaðar stórbleikjurnar í Eyjafjarðará. Kusan hans Jóns Gunnars mældist 72 sentímetrar og tók hún Krókinn númer tólf. Samtals gaf fyrsta vaktin fimmtán fiska og morgunvaktin í morgun fjórtán. Mikið var af fallegri bleikju í aflanum og nokkrar á bilinu 55 til 60 sentímetrar.

Mikil ásókn var í veiðileyfi á fimmta svæði en næstu dagar eru uppseldir. Þá hefur sést töluvert af nýgenginni bleikju á neðri svæðum árinnar.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.