Veiði | mbl | 3.8.2019 | 10:32

Veiðivaktin staðin alla helgina

Á meðan að vertíðinni stendur er opið alla daga sumars til loka september. Það er bara þjóðhátíðardagurinn, 17. júní sem er undantekning. Þau María og Óli verða á gólfinu alla helgina. Ljósmynd/Veiðihornið

„Laxar og silungar hafa ekki hugmynd um Verslunarmannahelgina. Þess vegna erum við með opið alla helgina,“ sagði Ólafur Vigfússon í Veiðihorninu í samtali við Sporðaköst. Þetta hafa þau Óli og María gert í yfir tvo áratugi samfleytt, eða síðan 1998. Þannig að þetta er tuttugasta og annað árið í röð.

„Við erum með opið alla daga sumars til loka september. Eini dagurinn sem við lokum er 17. júní. Annars alltaf opið.“

Óli segir að í þessum geira snúist þetta allt um þjónustustigið. Þegar opnunartíma lýkur þá er hringiflutningur í farsíma þeirra hjóna. „Við höfum stundum fengið símtöl býsna seint á kvöldin. Eitt skiptið var hringt um miðnætti og ég svaraði Veiðihornið, góða kvöldið. Það varð smá þögn og hik á hinum endanum og svo var spurt. „Er opið?“ Ég svaraði; þú hringdir.“ Hann hlær.

Hann segir að oft sé mjög mikið að gera einmitt um Verslunarmannahelgina. Það er jú besti tíminn í veiðinni runninn upp.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.