Fluga vikunnar er Bomber. Bomber hefur verið að koma sterkur inn í sumar t.a.m. í Miðfjarðará. Bomber er laxaþurrfluga sem mikið er notuð í Kanada og norðvesturríkjum Bandaríkjanna.
„Ólíkt því þegar veitt er með gárutúpum er laxaþurrflugum kastað upp í straum og gæta verður þess að hvorki lína né taumur séu strekkt þannig að flugan fái að fljóta „frjáls“ en fari ekki þvert á straum. Tökurnar geta verið ævintýralegar og oft er nóg að kasta Bomber til að fá fisk af stað. Ef lax sýnir Bomber áhuga en tekur ekki er gott að skipta yfir í smáflugur eftir að búið er að „vekja“ hann,“ sagði Ólafur Vigfússon í Veiðihorninu um þessa flugu vikunnar. Og það er einmitt stundum þörf á að prófa eitthvað nýtt þegar þeir eru búnir að sjá óteljandi Sunray og Frances.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |